Orikitxa landetxeko oilaskoak

Elkartean oilaskoak ere jaso daitezke enkarguz noizean behin.
Arabako Audikana herriko Orikitxa landetxetik ekartzen dizkigu oilaskoak Marcelinok.

Ekoizpen txiki eta ekologikoan lan egiten dute.
Lehen hilabetean txitak pentsu ekologikoarekin elikatzen dituzte eta gero “parkera” ateratzen dira korrika egin eta belarrean topatzen dutena jatera.  Ortutik ere botatzen zaizkie soberak eta Marcelinoren hitzetan tomatea dute oso oso gogoko.
Azken hamabost egunetan pentsua gari eta artoarekin nahastuta ematen zaie.
Arto eta gari hau beraiek edo inguruko lagunek ekoizturikoa izaten da, ekoizpen ekologikoan noski.

GALLINAS18BIS

 

Advertisements
Uncategorized atalean publikatua | Iruzkin bat utzi

Sosola baserria

Sosola baserria Eibarko Mandiola bailaran kokatua dago, amaña auzotik gora igota. Enrike Gisasolak aittitta-amamen eskutik jaso zuen baserriaren martxa eta 1994az geroztik ekoizpen ekologikoan murgildu ginen.
Egun, bi iharduera nagusi burutzen ditugu salmentara bideratuak: gaztagintza Enrikek eta ogigintza Aizpeak, Estitxuk lagunduta.

53942887

Ogigintza:

Hazitik hasi eta ogia egiterainoko prozesua lantzen dugu.
Alea zuzenean ekartzen dugu, ihada ezagunak ditugun arabako, nafarroako eta baita Burgosko nekazariekin urtero harremanetan jarriaz. Azken urte hauetan etxean ereindako garia ere erabili dugu.

IMG-20181125-WA0003

Ogiaren ezaugarriak:

  • Ogi integrala egiten dugu, ez guztiz integrala, zai xehea duena. Zai honekin ama orea edo orantza egiten dugu. Ama orea, ogia egiten hasi baino hamar hamabost ordu lehenago prestatzen da, beraz zaiak dituen mineralek aurrefermentazio bat jasaten dute gure gorputzak errazago asimilatu ditzan.
  • Soilik ama orea erabiltzen dugu fermentaziorako. Ama orea bakterio eta honddo familia ezberdinez osatua dago, horregatik fermentazioak luzeagoak dira eta bi motatakoak, alkoholikoa eta laktikoa. Azken honek, ogiari azidotasuna ematen dio, gure urdailak inguru azidoan egiten du lan, beraz liseriketa errazten diogu. Azidotasun puntua zaintzea komenida.
  • Ogi mami trinkoa du.
  • Zapore intentsoak gatz gutxiago erabiltzen laguntzen du
  • Egurrez berotutako labean egiten da. Udaz geroztik labe berria ekarri dugu, egur gutxiago behar duena berotzeko.
  • Gari, zekale eta espeltazko ogiak egiten ditugu.

IMG-20181123-WA0004

 

Uncategorized atalean publikatua | Iruzkin bat utzi

Etxeberri Goikoa, Olaberri

Azataporru Elkartera gazta, jogurtak eta haragia Etxeberri Goikoa baserriko Aitor Aranburu “Anbu”k ekartzen dizkigu.

Etxeberri Goikoa Olaberrin kokatutako baserria da. Betidanik izan dute esne eta haragi ekoizpena, eta 2009ko udaberritik araudi ekologikoan erregistratuta daude.

behiakMomentu honetan 3 lagun ari dira lanean eta bederatzi behi, lau bigai eta haragitarako 9 txekor dauzkate. Beraien maneiuaren ardatza larretzea da, beraien hitzetan “ingurura hobetoen egokitzeaz gain, animalien osasunerako, gure bizi kalitaterako eta produktuaren ezaugarrietarako egokiena delako”.

Horrez gain, baratza, oiloak, oilaskoak eta abarrek osatzen dute beraien baserri dibertsifikatua.

Hauek beraien azalpenak:

anbu.jpg
Agroekologian sakontzen dihardugu, gure animalien bazka etxean sortuz eta erosten dugun zereala Euskal Herriko nekazari ekologikoei zuzenean erosiz Goierriko nekazaritza kooperatibaren bidez.
Animalien ongizatea bermatzen dugu, eta gaixotasunen bat hartatu behar denean sendabelarrak eta olio esentziak erabiltzen ditugu.
Urte asko dira Gipuzkoan dauden esne behietarako beste bi baserri ekologikoekin elkarlanean dihardugula elkarren produktuak inguruan salduz: kontsumo taldeak, etxez etxe, denda txikiak eta jatetxeak.

 

anbu2.jpgEskaintza:

  • Gazta (txuria, pasteurizatua, raiatua eta gordin ondua)
  • Jogurt handiak (400gr)
  • Jogurt txikiak (osoa eta gaingabetua 130 gr)
  • Jogurt Irabiatua(480 gr)
  • Txekor haragi lotea (5Kg)
  • Gibela (500gr)

*Gazta ez gainerako esnekiak kristalean doaz eta ontziak itzuli egin behar dira.

Uncategorized atalean publikatua | Iruzkin bat utzi

Donieberri baserria

DONIENEBERRI baserria, Itziar.
🏡🌶🥒🥑🍆🥕🌰

Elkarteko Mirian eta Nerea ahizpek ostegunero beraien baserriko barazki ekologikoen otarrak ekartzen dizkigute.

Garaian garaiko otar handi edo txikia enkarguz eska daiteke.

 

Negurako prest dute ganbara jada 🙂

Uncategorized atalean publikatua | Iruzkin bat utzi

Daikon Arbia

DAIKON hitzak sustrai handia esan nahi du Japonieraz. Neurri handiko arbia da. Hostoak eta erroa, dena jangarria da eta bitamina eta mineral ugari ditu. Kaltzioa eta A bitamina batez ere.
Udazken eta neguko barazki/sustraia da.
Orain arte Txina, Japon eta Korean erabili izan dute gehien bat.
Gorputzeko likidoak  botatzen laguntzen du eta dituen enzimek lixeriketa errazten dute, baita ere.
Mukiak desegiteaz gain, eztula arintzen du.
Gordina janda freskagarria da eta egosita barrenak goxatzeko aproposa gerta daiteke.
Otarran freskoa jasotzen dugun arren, dendetan lehortua ere saltzen da.WhatsApp Image 2018-11-10 at 22.42.46
Era askotan sukaldatu daiteke.
Gaurkoan, ordea, neguko marrantei aurre egiteko erremediotxo bat probatzera gonbidatuko zaituztegu.Arbi Edaria: mukiak botatzeko, sukarra jaisteko eta izerditzen laguntzeko.
Umeentzat egokia da, baita ere.
– Arbi arrailatua 3g/H
– Jengibre freskoa g/tx 1/2
– Kukitxa te beroa 2 taza
– Tamaria tantak
Dena nahastu eta ahal den beroena hartu.
Egunean 2tan har daiteke.—————————————————

DAIKONA ETA AZENARIOA JENGIBREAREKIN

Osagaiak:
– Daikon arbi bat
– Azenario bat
– Jengibre fresko apur bat
– Oliba olioa (goilarakada1)
– Shoyu edo tamari apur bat.
– gatz apur bat
—————-
Azenarioa era daikona juliana eran moztu.
Jengibrea txiki txiki moztu.
Olioa lapiko batean berotu.
Jengibrea oliotara bota, doratzen hasten denean daikona gainera bota eta buelta batzuk emanez bertan erregosi, ondoren azenariorekin gauza bera egin.
Shoyu txorrotadatxo bat gainera bota, barazkiak astindu berriro, gatza gainean bota, tapa jarri eta su eztian 15 minutu utzi.
Platerera atera eta jan.
On egin!

Uncategorized atalean publikatua | Iruzkin bat utzi

Ongietorri!

PRODUKTU EKOLOGIKOen kontsumoan eta bere hedapen eta finkapenean interesaturik gauden kontsumitzaile taldeak osatzen dugu Azataporrua elkartea.

Bereziki gure inguruko produktoreekin harreman zuzena sustatzeko eta indartzeko interesa dugu, elkarri laguntzeko modu bezala.

Elkarte bat garen heinean, jendea eginbeharrekoetan parte hartzera animatu nahi dugu, beti ere bakoitzaren gaitasunen eta aukeren arabera.

Uncategorized atalean publikatua