Olaberri eta Ezkiora txangoa

Arrate Kultur Elkarteak eta Azataporruak antolatutako egun-pasa ederra egin genuen larunbatean.

WhatsApp Image 2019-04-08 at 08.00.01(1)
Olabarriko Etxeberri Goikoan hasi genuen txangoa. Bertako semea eta Azataporruko hornitzailea den Aitor Aranburu “Anbu”-k etxaldeko gorabeherak azaldu eta abereak aurkeztu zizkigun. Txahal eta bigak kortan aurkitu genituen. Behiak berriz larrean, ohi duten bezala.
Aipagarria da baserri honetan lortu dutena: 10 behiek ematen dutenarekin hiru lanpostu finkatu dituzte eta epe laburrean laugarren baterako aurreikuspena dute. Uste askoren kontrako arrakastaren gakoak ekoizpenaren dibertsifikazioa eta bere kalitatea dira. Esnea, Yogurt-a eta gazta-mota ugari egiten dituzte abeltzantza-eredu ekologikoari jarraituz. Horrela, izugarrizko garrantzia ematen diote garbitasunari eta abereen ongizateari. Etxalde honetako behiek urte guztian zelaian bazkatzen dutenez osasuntsuago daude eta ezaugarri hau ageri-agerian gelditzen da ematen diguten esnearen kalitatean.

Eguerdian lagunarte bikainean bazkaldu genuen baserriko terrazan Txindoki eta
Aralarreko mendi-zerra elurtua parez pareko ikusmira zoragarriarekin.
Anbu, Judit, Ortzi eta Itoitz agurtuta Ezkio aldera jo genuen Igartubeiti baserri-museoa ikustera. Bertan, Euskal Herriko baserriaren historiaz asko ikasi genuen eta baita harritu ere bisita gidatuan jasotako azalpenekin. Ikusgarria benetan Igartubeitiko zurezko dolarea. Guztiz gomendagarria. Baserriko atariko taldeko argazkiarekin amaiera eman genion irteera atseginari.

WhatsApp Image 2019-04-08 at 08.00.03(3)

Advertisements
Uncategorized atalean publikatua | Iruzkin bat utzi

Ortutik ahora lehen ikastaro eguna

20190326_183705.jpgPortaleako sukaldean batu ginen aurreko martitzenian ikastaroko lehen saiorako gure mantal, laban eta sukaldeko oholekin.

Mirianek ortutik garaiko barazki pila ekarri zituen eta Simonek haiekin egin daitezkeen aukera desberdin ugari azaldu zizkigun.

Lehenengo Kukitxa te goxo bat hartu genuen jenjibre, kanela eta limoi txorroztara batekin eta barriketa-giro onian jarraitu zuen saioak entsalada desberdinak, gosaritarako olo maluta opilak,  artatxiki bolatxo desberdinak eta sopa goxo bat prestatzen genuen bitartean.
Barazkiak gatzarekin eta prentsatuz nola sukaldatu daitezkeen ere ikasi genuen.

Konturatu orduko ordua gañean genuen eta prestatutakoak tuper ontzietan etxerako jaso genituen.

Jarraituko dugu orain etxean jasotako guztia praktikan jartzen, ea lortzen dugun gure ortuak ematen dizkigun aukera eta onura guztiei etekin handiena ateratzen!

Eskerrik asko Simone! Apirilak 9ko saiorako gogotsu gaude 🙂

Uncategorized atalean publikatua | Iruzkin bat utzi

Korrika Kulturala Txangoa

IMG-20190325-WA0005
Apirilaren 6an KORRIKA KULTURALA TXANGOA Arrate Kultur elkartea eta Azataporruak antolatua.

Goizean Olaberriako Etxeberri Goikoa baserria bisitatuko da (janari ekolojikoen ekoizlea) eta arratsaldean Ezkioko Igartubeiti baserri museoa.

Irteera 10:30etan Egogainen eta buelta 18:30etan.

Prezioa 15€, bazkideak 12€.

Informazioa eta izen ematea arratekultu@gmail.com helbidean edo telefonoz 638 284 912 zenbakian.

Uncategorized atalean publikatua | Iruzkin bat utzi

“Orturik ahora” ikastaroa

ORTUTIKAHORA.jpgAzataporruak sukaldaritza ikastaroak antolatu ditu.

“Udaberriarekin batera, ortutik produktu asko etorriko zaizkigu, eta hoiek sukaldatzeko aholkuak ematen ahaleginduko gara”.

Bi ikastaroak martitzenean eskeiniko dira Portalean, Martxoaren 26an eta Apirilaren 9an 18:30etatik 21:00era.

Interesatuak Azataporruk Juan Gisasola 9an duen lokalean eman dezakete izena astelehen eta ostegunetan ,17:00etatik 20:00 etara.

Elkarteko bazkideak saioko 5€ eta ez bazkideak 10€ ordaindu beharko dute.
(Ikastaroan sukaldatua etxera eraman ahal izango da eta hortaz tuper-ontziren bat eramatea gomendagarri da)

Uncategorized atalean publikatua | Iruzkin bat utzi

Gaztagintzan Olaberrin

Pasa den astean Etxeberri Goikoa baserrian ateratako argazki batzuk partekatu nahi ditugu post honen bidez.IMG-20190301-WA0004

Aste honetan elkartera ekarriko dizkiguten “philadelphia” motako gazta krema zabalgarria be martxan jarri zuten. Hemen esnea bakterio laktikoekin gustora hartzitzen:

IMG-20190301-WA0011.jpg

Ontze kamaran gazta desberdinak ontzen:

Uncategorized atalean publikatua | Iruzkin bat utzi

Sosola baserriko bildotsak

“Larre berdeak, etxe zuri eta teila gorriak
Jendarme auto bat
Bidean bildots artean pasatzen…”

20170117_131939 (1)Gu ere bildots artean gabiltza urtarrilaren hasieratik. Ia ardi gehienak erditu dira. Hirutik bat-edo geratuko da oraindik erditzeke ondo bidean. Eta egia esan, ondo gabiltza aurten, arazo gutxirekin; esan nahi da, ardi gehientsuenak bakar bakarrik egin dituzte kumeak, laguntzarik gabe, tartean lauk bikiak. Gainera bitxia da, aurten inoiz baino ahari gehiago eduki dituzte.
40ren bat egunetan egongo dira amarekin. Bere esnea nahikoa dute momentuz hazteko. Orduantxe egongo dira hiltzeko prest. Hori bai, urrusak, hau da emeak, aurrerako utziko ditugu, indultatuta.
Bizitzaren legea, artaldearen eta artzainaren biziraupenerako baldintza triste baina aldi berean ezinbestekoa.

“….Martin Larralde honelako egun batez hil zen
galeretan
begiak zabalik etzanda, agian, zerua,
Itsaso zikin bat dela esanez” (Sarri eta Ruper)

Enrike, Sosola baserriko artzaia.

Uncategorized atalean publikatua | Iruzkin bat utzi

Orikitxa landetxeko oilaskoak

Elkartean oilaskoak ere jaso daitezke enkarguz noizean behin.
Arabako Audikana herriko Orikitxa landetxetik ekartzen dizkigu oilaskoak Marcelinok.

Ekoizpen txiki eta ekologikoan lan egiten dute.
Lehen hilabetean txitak pentsu ekologikoarekin elikatzen dituzte eta gero “parkera” ateratzen dira korrika egin eta belarrean topatzen dutena jatera.  Ortutik ere botatzen zaizkie soberak eta Marcelinoren hitzetan tomatea dute oso oso gogoko.
Azken hamabost egunetan pentsua gari eta artoarekin nahastuta ematen zaie.
Arto eta gari hau beraiek edo inguruko lagunek ekoizturikoa izaten da, ekoizpen ekologikoan noski.

GALLINAS18BIS

 

Uncategorized atalean publikatua | Iruzkin bat utzi